സ്വപ്നവ്യാഖ്യാനം

ഒരു പാതിരാവിലിങ്ങനെ നോക്കിയിരിക്കുമ്പോഴല്ലോ
വതിൽപ്പഴുതിലൂടൊരു സ്വപ്നമുണ്ടു
നുഴഞ്ഞുവരുന്നു.
നീയെന്നരികേവായെൻ കനവേയെന്നു
ഞാൻ മുതിരും മുമ്പേ ഹാ,
തത്തിപ്പറന്നു തുടങ്ങിയ സ്വപ്നം
ഒരു ചിലന്തിക്കാരന്റെ വലയിൽ കുരുങ്ങുകയും
അയാളതിനെ വ്യാഖ്യാനിക്കാൻ
തുടങ്ങുകയും ചെയ്തുകഴിഞ്ഞിരുന്നു.

നേരം തെളിഞ്ഞപ്പോൾ ബാക്കിയായത്‌
ഒരു മിന്നാമിനുങ്ങിന്റെ തൊണ്ട്‌.